സിദ്ധാര്ത്ഥന് വേര്പിരിഞ്ഞതിന്റെ മൂന്നാംനാള് ...
അവന്റെ ആത്മാവിനു മോക്ഷ പ്രാപ്തിക്കുള്ള പരിഹാര ക്രിയയകള്ക്കൊടുവില് ശേഷം ചിന്തിയ തുണ്ട് ഒഴുക്ക് വെള്ളത്തില് ഉപേക്ഷിച്ച്, ചുറ്റും നില്കുന്നവരുടെ കൈവെള്ളകളിലേക്ക്എള്ളണ്ണ ഇറ്റിച്ചു കഴിഞ്ഞു ഉപ്പും മീനും നുള്ളിക്കൊടുക്കുമ്പോള് മുന്നില് സിദ്ധാര്ത്ഥന്റെ അമ്മ ..
നീട്ടിയകൈകളിലേക്ക് ഉപ്പും മീനും വെക്കുമ്പോള് കൈകള് വിറച്ചു. അമ്മയുടെ മുഖത്തേക്ക് നോക്കാതിരിക്കാന് കഴിയുന്നില്ല. നീണ്ടു വരുന്ന ശുഷ്കിച്ച കൈകളില് നിന്ന് തെന്നി മാറുവാനും ആവുന്നില്ല
" ദിവാകരാ ..ഇന്റെ മോന് ..!"
ഇടറിയ വാക്കുകളില് അമ്മയുടെ പിടയുന്ന നെഞ്ചിന്റെ നീറ്റല് ..