Network Followers

Share this Post

മലയാളത്തിന്‍റെ വാനമ്പാടിക്കായ്‌.

മലയാള നാടിന്‍റെ വശ്യ  ഭംഗികള്‍ ഒരിളം തെന്നലിന്‍റെ കുളിര്‍മ്മയുള്ള തലോടല്‍ പോലെ  ശ്രവണെന്ത്രിയങ്ങളിലേക്ക് എത്തിച്ച് ഹൃദയത്തിന്‍റെ ലോലതന്ത്രികളെ  പുളകമണിയിക്കുന്ന സ്വര്‍ഗീയ സ്വരരാഗസുധയുടെ ഉടമ; ഒരു ചിരിയുടെ പ്രകാശവർഷമായി മലയാളികള്‍ മനസ്സിലേറ്റിയ നമ്മുടെ പ്രിയപ്പെട്ട ഗായിക ചിത്ര.
ലക്ഷോപലക്ഷം സംഗീത ആസ്വാദകരുടെ ചുണ്ടുകളില്‍ തത്തിക്കളിക്കുന്ന മാധുര്യമൂറുന്ന ആയിരത്തിലേറെ ഗാന ശകലങ്ങള്‍ അനുഗ്രഹീതഗായികയുടെതായി നമുക്ക് ലഭിച്ചിട്ടുണ്ട്.

ലക്ഷങ്ങളില്‍ ഒന്നോ രണ്ടോ പേര്‍ക്ക് മാത്രം ലഭിക്കുന്ന  ദൈവികവരദാനമായ സര്‍ഗവാസനയും കഠിനപരിശ്രമവും സമന്വയിക്കുമ്പോള്‍ ആ കളകണ്ഠത്തിലൂടെ ഒഴുകിയെത്തിയിട്ടുള്ള  സ്വരമാധുരിയില്‍ അണുവിട ഇടര്‍ച്ചയോ, പതര്‍ച്ചയോ, അപസ്വരങ്ങളോ ശ്രുതിഭംഗമോ ഒരിക്കലും കണ്ടെത്താനാവില്ല എന്നത് ചിത്രയുടെ എടുത്തു പറയേണ്ടുന്നഒരു സവിശേഷതയാണ്,ശെരിക്കും ക്രിസ്റ്റല്‍ ക്ലിയര്‍ എന്ന് വിശേഷിപ്പിക്കാവുന്ന സ്വരശുദ്ധിയാല്‍ അനുഗ്രഹീതയാണ് നമ്മുടെ ഈ പ്രിയപ്പെട്ട ഗായിക,പാടിയ ഗാനങ്ങളിലെല്ലാം സ്വയ സിദ്ധമായൊരു വ്യക്തിമുദ്ര ചിത്രയുടെതായി നമുക്ക് കണ്ടെത്താനാവും.
മലയാള ഗാനശേഖരത്തിന് ഒരു പാട് അനശ്വര ഗാനങ്ങള്‍ സമ്മാനിച്ച് നമ്മുടെ മനസ്സില്‍ ഇടം നേടിയ ഗായികമാര്‍ പലരുണ്ടെങ്കിലും ഇപ്പോള്‍ പ്രഥമ സ്ഥാനത്ത് വെക്കാന്‍ എന്തുകൊണ്ടും അനുയോജ്യമായത് ചിത്രതന്നെ എന്ന കാര്യത്തില്‍ സംശയത്തിനു ഇടമില്ല, മലയാളത്തിന്‍റെ ആസ്ഥാനഗായിക എന്ന പദവിക്ക് അര്‍ഹ ചിത്ര തന്നെ.
അവരുടെ മനസ്സിന്‍റെ നിര്‍മ്മലതയും പുണ്യവും ആ ചുണ്ടുകളില്‍ വിടര്‍ന്നു നില്‍കുന്ന നിഷ്കളങ്കമായ പുഞ്ചിരിയില്‍ നമുക്ക് കാണാനാവും.
എന്നാല്‍ ഇക്കഴിഞ്ഞ ഏപ്രില്‍ പതിനാലിന് മലയാളി സമൂഹം ഒന്നടങ്കം വിഷു ആഘോഷങ്ങള്‍ക്കായി ഒരുങ്ങിക്കൊണ്ടിരിക്കവേ കാതുകളിലേക്ക് തീതുള്ളികളായി തെറിച്ചുവീണ ഒരു ദുരന്തവാര്‍ത്ത പാട്ടിനെ സ്നേഹിക്കുന്നവര്‍ക്ക് അതിലുപരി ചിത്രയെ ഇഷ്ടപ്പെടുന്നവര്‍ക്ക് വല്ലാത്തൊരു നടുക്കമാണ് ഉളവാക്കിയത്. ചിത്രയുടെ അരുമ മകള്‍ നന്ദന ദുബായിലെ ഒരു നീന്തല്‍ കുളത്തില്‍ വീണു മരിച്ചു എന്നറിഞ്ഞപ്പോള്‍ ഈറനാവാത്തകണ്ണുകള്‍ കുറവായിരിക്കും.
വിവാഹാനാന്തരം ഏറെ വര്‍ഷങ്ങള്‍ക്കു ശേഷം  ഒരു പാട് ചികിത്സകളുടെയും പ്രാര്‍ഥനകളുടെയും ഫലമായി ആറ്റുനോറ്റുണ്ടായ കുഞ്ഞായിരുന്നു നന്ദന, നന്ദനയെപ്പറ്റി വാതോരാതെ സംസാരിക്കുമായിരുന്നു ചിത്രയെന്നു അനുഭവസ്ഥര്‍ പറയുന്നു, ചലച്ചിത്രരംഗത്തെ തന്‍റെ തിരക്കുകള്‍ പോലും മാറ്റിവെച്ച് മകളെ ലാളിക്കുന്നതിനു സമയമുണ്ടാക്കിയ നല്ലോരമ്മയായിരുന്നു ചിത്ര.
നന്ദനയുടെ മൃതദേഹം എംബാം ചെയ്യാനായി സോനാപൂരിലെ മെഡിക്കല്‍ സെന്‍ററില്‍ലെത്തിച്ചപ്പോള്‍ അവിടെ തടിച്ചു കൂടിയ ജനാവലി ചിത്രയെന്ന പ്രിയപ്പെട്ട ഗായികയെ മലയാളനാട് എത്രമാത്രം സ്നേഹിക്കുന്നു എന്നതിന്‍റെ നേര്‍ക്കാഴ്ചയായിരുന്നു.
പ്രിയ മകളുടെ വേര്‍പ്പാട് ചിത്രയില്‍ ഉണ്ടാക്കിയ മുറിവ് വളരെ ആഴത്തിലുളളതാണെന്ന് നമുക്കറിയാം, സ്നേഹമയിയായ ഒരമ്മയ്ക്ക് താങ്ങാനാവുന്നതല്ല അങ്ങിനെ ഒരു ദുരന്തമെന്നും നമുക്ക്മനസ്സിലാക്കാനാവുന്നതാണ്, അതുകൊണ്ടുതന്നെ അതിനുശേഷം പൊതു വേദികളിലോ പരിപാടികളോ അവരെ  കാണാനായിട്ടില്ല , ആ സര്‍ഗവൈഭവം അതോടെ നിഷ്പ്രഭമായിപ്പോകുമോ; നിശ്ചലമായിപ്പോകുമോ എന്നൊക്കെയുള്ള ഉത്കണ്ഠ സംഗീത ആസ്വാദകരുടെ മനസ്സിനെ വല്ലാതെ വല്ലാതെ മഥിച്ചിരുന്നു
എന്നാല്‍ അവര്‍ വീണ്ടും ഒരു മലയാള ചിത്രത്തിനായി ഗാനമാലപിച്ചു എന്നത് മനസ്സിന് സന്തോഷമേകുന്ന ഒരു വാര്‍ത്തയാണ്. കാലം മായ്ക്കാത്ത വേദനകളും മുറിവുകളുമില്ലല്ലോ! ആ സ്വാധിയുടെ നൊമ്പരങ്ങളും കാലത്തിന് ശമിപ്പിക്കാനാവട്ടെ എന്ന് ആത്മാര്‍ത്ഥമായി പ്രാര്‍ഥിക്കാം, മലയാളികളെന്നും നെഞ്ചിലേറ്റുന്ന ആ സ്വര്‍ഗീയ സ്വരധാര ഇടമുറിയാതെ നമുക്ക് അനുഭാവ്യമാകട്ടെ എന്ന്  ആശിക്കാം. കാതില്‍ തേന്‍മഴയായ്‌ പൊഴിയുന്ന സുന്ദര മധുരമയ ഗാനങ്ങള്‍ക്കായി നമുക്ക് വീണ്ടും ആയിരം കണ്ണുമായ് കാത്തിരിക്കാം; കാതോര്‍ത്തിരിക്കാം.

46 comments:

  1. എല്ലാവരെയും ഞെട്ടിപ്പിച്ച ഒരു വാര്‍ത്തയായിരുന്നു അത്. മലയാളത്തിലെ വാനമ്പാടിയുടെ ദു:ഖത്തില്‍ പങ്കു ചേരുന്നു.എല്ലാം സഹിക്കാനുള്ള ശക്തി ദൈവം അവര്‍ക്കു നല്‍കട്ടെ.

    ReplyDelete
  2. അതെ, എല്ലാം സഹിക്കാനുള്ള ശക്തി ദൈവം അവര്‍ക്കു നല്‍കട്ടെ.

    ReplyDelete
  3. കാത്തിരിക്കാം...

    ReplyDelete
  4. മോമുട്ടിക്കാ : അതെ സഹനശക്തി നല്കട്ടെ.
    ശ്രീ : തീര്‍ച്ചയായും
    ഉമേഷ്‌ : അതെ കാത്തിരിക്കാം.

    ReplyDelete
  5. മനസ്സിന് ഒര്പാട് നോവുണ്ടാക്കിയ വാര്‍ത്തയായിരുന്നു അത്
    കാലം അവരുടെ നോവുകളെ മായ്ക്കട്ടെ.
    ചിത്രയുടെ സ്വരമാധുരി വീണ്ടും നമുക്ക്
    അനുഭവിക്കാന്‍ ഇടവരട്ടെ.

    ReplyDelete
  6. എല്ലാം സഹിക്കാനാവട്ടെ മറക്കാനാവില്ലെങ്കിലും

    ReplyDelete
  7. എല്ലാവരെയും ഞെട്ടിപ്പിച്ച ഒരു വാര്‍ത്തയായിരുന്നു അത്. മലയാളത്തിലെ വാനമ്പാടിയുടെ ദു:ഖത്തില്‍ പങ്കു ചേരുന്നു. ഇനി...ഞാൻ വർഷങ്ങളിലേക്ക്.....തിരികെ പോകട്ടെ.... ഞാനും കാട്ടാക്കടയിലുള്ള എന്റെ പ്രീയ കൂട്ടുകാരൻ സ്വരാജും കൂടെ ഒരു പുതിയ ചിത്രം നിർമ്മിച്ചു...”താരുണ്യം” എന്ന ചിത്രം...തിരുവനന്തപുരത്തെ ചിത്രാഞ്ചലി സ്റ്റുഡിയോ തുടങ്ങിയ സമയം ...ആദ്യമായി അവിടെ പാട്ടുകൾ റെക്കോഡ് ചെയ്യുന്നത് ഞങ്ങളായിരുന്നൂ... ദേവദാസാണ് റെക്കോഡിസ്റ്റ്..പൂവച്ചൽഖാദർ എഴുതിയ രണ്ട് പാട്ടുകൾക്ക് ഈണം ഇട്ടത് എം.ജി.രാധാക്രിഷ്ണൻ.. ആദ്യത്തെ ദിവസം യേശുദാസ് ആണ് പാടിയത് “ വനമാലീ...എന്ന് തുടങ്ങുന്ന ഗാനം..പാട്ടിന്റെ ഇടയിലെ ഹമ്മിംഗ് പാടാൻ വന്നത് എന്റെ ഒരു സുഹ്രുത്ത്റ്റിന്റെ മകൾ കെ.എസ്.ബീന.. ബീനയുടെകൂടെ ഒരു പച്ച ചൂരീദാർ അണിഞ്ഞ ഒരു കൊച്ച് ബാലിക...ഞാൻ പേരു തിരക്കി...തെല്ല് കൊഞ്ചലോടെ..മധുരമുള്ള ആ കിളിനാദം ‘ചിത്ര..’ ഞാൻ വെറുതേ പാട്ടുകൾ പാടിച്ച് നോക്കി..എനിക്കാ ശബ്ദം മനസ്സിലുടക്കി.... അന്നത്തെ റെക്കോഡിംഗ് കഴിഞ്ഞ് രാത്രിയിൽ ഞങ്ങൾ എം.ജി.യുടെ വീട്ടിന്റെ രണ്ടാമത്തെ നിലയിൽ ഒത്ത് കൂടി... ഞാനും ,സ്വരാജും,എം.ജി.ആറും, നെയ്യാറ്റിൻകര വാസുദേവനും...ചർച്ച കളിലെപ്പോഴോ പിറ്റേന്ന് റെക്കോഡ് ചെയ്യാനുള്ള “ചെല്ലം...ചെല്ലം...എന്തിരു..ചെല്ലം” എന്ന പാട്ടിനെ കുറിച്ചായപ്പോൾ ബീന പാടാൻ വച്ചിരുന്ന ആ പാട്ട് അതിന്റെ അനുജത്തിയായ ചിത്രയെക്കൊണ്ട് പാടിപ്പിക്കണം എന്ന് ഞാൻ വാശി പിടിച്ചൂ.... പിറ്റേന്ന് ആ ബാലിക ആ പാട്ടു മനോഹരമായി പാടിയപ്പോൾ കൺസോളിലിരുന്ന എന്റെ മനസ്സ് മന്ത്രിച്ചൂ..ഇതാ നാളത്തെ പാട്ടുകാരി...ആ ചിത്രം പിന്നെ ‘അട്ടഹാസം’ എന്ന പേരിലാണ് പുറത്തിറങ്ങിയത്... അന്ന് എന്റെ മനസ്സ് മന്ത്രിച്ചതും..പിന്നെ കെ.എസ്.ചിത്ര എന്ന പാട്ടുകാരിക്ക് പത്മ്ശ്രീയും,ഡോക്ടറേറ്റും..ഒക്കെ ലഭിച്ച്തും ഒരു ചലനസിത്രത്തിലെന്ന വണ്ണം എന്റെ മനസ്സിൽ തിരതല്ലുന്നൂ... ആ കുട്ടിയുടെ ഇന്നത്തെ വേദനയിൽ ഒരു അച്ഛനാകാൻ ക്ഴിയാത്ത എനിക്ക് ഉണ്ടാകുന്ന ദുഖം വാക്കുകൾക്കതിതം.... ആ കുഞ്ഞിനു(ചിത്രക്കുട്ടിക്ക്) എല്ലാ നന്മകളും ഉണ്ടാകാൻ ഇപ്പോൾ പ്രാർത്ഥന മാത്രം... നന്ദനയുടെ വിയോഗത്തിൽ രണ്ട് തുള്ളി കണ്ണീരും..............

    ReplyDelete
  8. ബഷീര്‍ സാറ് പറഞ്ഞതുപോലെ “എല്ലാം സഹിക്കാനാവട്ടെ മറക്കാനാവില്ലെങ്കിലും “

    ReplyDelete
  9. പ്രിയ മകളുടെ വിയോഗം എന്ന വലിയ ദുഃഖം മറക്കാന്‍ അവര്‍ക്കാവില്ല. എങ്കിലും സംഗീതത്തിലൂടെ ഒരു തിരിച്ചു വരവ് നടത്താനവര്‍ക്കാവട്ടെ. ആശംസകള്‍.

    ReplyDelete
  10. എല്ലാം സഹിക്കാനുള്ള ശക്തി ദൈവം അവര്‍ക്കു നല്‍കട്ടെ...

    ReplyDelete
  11. കാതില്‍ തേന്‍മഴയായ്‌ പൊഴിയുന്ന സുന്ദര മധുരമയ ഗാനങ്ങള്‍ക്കായി നമുക്ക് വീണ്ടും ആയിരം കണ്ണുമായ് കാത്തിരിക്കാം; കാതോര്‍ത്തിരിക്കാം.

    ReplyDelete
  12. ചേച്ചി തിരിച്ചു വരും......

    ReplyDelete
  13. വാനമ്പാടി ഇനിയും പാടട്ടെ!

    ReplyDelete
  14. മലയാളത്തിന്‍റെ വാനമ്പാടി പാടട്ടെ

    ReplyDelete
  15. ചിത്രയുടെ അനുപമ ആലാപന വൈഭവത്താൽ അതിമധുരമാർന്ന ഗാനങ്ങൾ ഇനിയും പിറക്കുമെന്നാശിക്കാം.

    ReplyDelete
  16. സഹനം ആയുധമാക്കി ഒരു തിരിച്ചു വരവിനു കാതോര്‍ക്കുന്നു...

    ReplyDelete
  17. അവര്‍ക്ക് ദൈവം നല്ല സഹന ശക്തി കൊടുക്കട്ടെ ഇനിയും ഒത്തിരി നല്ല പാട്ടുകളുമായി തിരിച്ചു വരട്ടെ

    ReplyDelete
  18. നശിച്ച ദുരന്തമേ എന്തിനു ഈ മാലാഖമാരേ വേട്ടയാടുന്നു
    രാധയെ കാണാത്ത മുകില്‍ വര്‍ണ്ണനോ എന്ന ഭാവതീവ്രതയു‍ടെ
    അതി വിശിഷ്ടമായ ഗാനം കെ.എസ്. ബീനയുടെ ആലാപന
    വൈഭവത്തിന്റെ മഹത്വം വെളിപ്പെടുത്തുന്നു. എന്നാല്‍ പ്രിയ
    തമന്റെ അകാല മൃത്യു മലയാളത്തിനു ലതക്കു തുല്യമായി വളരേ
    ണ്ടിയിരുന്ന ആ ഗായികയെ നിശ്ശബ്ദയാക്കി. പിന്നെയാണു
    ചിത്രയുടെ വരവ് രജനീ പറയൂ.... നമ്മുടെ ചലച്ചിത്രഗാന
    ലോകത്തെ തെലുങ്ക് തമിഴ് ആധിപത്യത്തിന്റെ തിരശ്ശീല വീഴ്ത്തി
    ചിത്ര ഇന്‍ഡ്യന്‍ സംഗീത ലോകം കീഴടക്കി.ഒടുവിലൊരു
    ദു:ഖം. അതു പരിഹരിച്ചാ പൊന്നോമന ആ മത‍ൃത്വത്തിനു
    സ്വരസ്ഥാനങ്ങള്‍ ചേര്‍ത്തു.ഒടുവില്‍ ഒരു ശോകഗാനത്തിന്റെ
    ശീലവശേഷിപ്പിച്ചു അവള്‍ പോയി. ചിത്രയെ ആശ്വസിപ്പിക്കാന്‍
    ആര്‍ക്കുമാകില്ല.കുങ്കുമം മാസികയില്‍ പ്രസിദ്ധീകരിച്ച അച്ഛന്റെ
    ദു:ഖമെന്ന എന്റെ കവിതയിലെ വരികള്‍ കുറിയ്ക്കട്ടെ
    ഹാ!ജലാശയമേ ഒരു പലക -
    പ്പുറമാവാത്തതെന്തെന്നുണ്ണി നില
    തെറ്റിയാഴമതില്‍ പതിക്കും മുമ്പൊ-
    രത്ഭുതമെന്‍ ഭൗതികത കൊതിച്ചു

    ReplyDelete
  19. വേര്‍പാടുകള്‍ അസഹ്യ മാണ് ,എന്നാല്‍ അനിവാര്യവും..
    ആ സത്യം തിരിച്ചറിഞ്ഞു ഉള്‍ക്കൊള്ളാന്‍ ചിത്രയ്ക്ക് ആവട്ടെ ...അതുവരെ നമുക്ക് പ്രതീക്ഷയോടെ കാത്തിരിക്കാം ..

    ReplyDelete
  20. തരിച്ചു വരും നമ്മുടെ എല്ലാം ഇഷ്ടസ്വരം

    ReplyDelete
  21. മറക്കാനാകില്ലെങ്കിലും സഹിക്കാന്‍ കഴിയട്ടെ.

    ReplyDelete
  22. മറവി മനുഷ്യന് ദൈവം കൊടുത്ത
    ഒരു അനുഗ്രഹം കൂടിയാണ് പലപ്പോഴും ...
    ജാഡ കാണിക്കുന്ന സെലെബ്രിടി സംസ്കാരത്തിന്
    ഒരു അപവാദം ആണ്‌
    അവര്‍..നിഷ്കളങ്കമായ് ആ പുഞ്ചിരി ആ തെളിഞ്ഞ
    മനസ്സിന്റെ കണ്ണാടിയും...പരിചയപ്പെട്ടാല്‍ സ്വന്തം
    ചേച്ചി എന്ന് നമുക്ക് തോന്നുമത്രേ കുറഞ്ഞ സമയം
    കൊണ്ടു.അത്ര ഹൃദ്യവും ലാളിത്യവും ആറ്ന്ന പെരുമാറ്റം..

    സംഗീതം അവരെ ദുഖങ്ങളില്‍ നിന്നും അകറ്റി നിര്‍ത്തട്ടെ എന്ന് പ്രാര്‍ഥിക്കാം...

    ReplyDelete
  23. മൃത്യുവിന് മുന്‍പില്‍ നാം തോല്‍ക്കുന്നു.

    ReplyDelete
  24. Reffy - അപ്പൊ നാം ജയിക്കുന്നതെവിടെ?! .. മൃത്യു സത്യവും ഈ ജീവിതം ഹ്രസ്വവുമെങ്കില്‍ എങ്ങിനെ നമുക്ക് ജയിക്കാം , എവിടെ നമുക്ക് ജയിക്കാം ?? പരീക്ഷകളിലുള്ള ജയമാല്ലല്ലോ ജീവിത വിജയം .....
    ചിത്രയെ സൃഷ്ടാവും കാരുന്യവാനുമായ സര്‍വ്വേശ്വരന്‍ നേര്‍മാര്‍ഗം നല്‍കി അനുഗ്രഹിക്കട്ടെ

    ReplyDelete
  25. അടുത്ത് തന്നെ പുതിയ ഒരു ഉണ്ണിയിലൂടെ വേദന മറക്കാന്‍ കഴിയുമാറാകട്ടെ...!!!

    ReplyDelete
  26. എന്ത് ചെയ്യാന്‍ ..സഹതപിക്കാന്‍ അല്ലാതെ.. പ്രാര്‍ഥിക്കാന്‍ അല്ലാതെ ..

    വിനയത്തിന്റെ , ലാളിത്യത്തിന്റെ മനുഷ്യരൂപമാണ്‌ ചിത്ര ...

    ദൈവം ഇനിയൊരു കുട്ടിയെ കൂടി കൊടുക്കാന്‍ ദയ കാണിച്ചെങ്കില്‍ എന്ന് പ്രാര്‍ഥിക്കുന്നു ..

    ReplyDelete
  27. ചിത്രച്ചേച്ചി തിരിച്ചുവരും എന്ന് തന്നെ പ്രതീക്ഷിക്കുന്നു, ആഗ്രഹിക്കുന്നു..

    ReplyDelete
  28. കാണുന്നവരില്‍ സന്തോഷം നിറക്കുന്ന ആ നിറപുഞ്ചിരി എന്നും ആ മുഖത്ത് നിറഞ്ഞു നില്‍ക്കട്ടെ...

    പ്രാര്‍ത്ഥനകള്‍ മാത്രം...

    ReplyDelete
  29. ഈ ബ്ലോഗ്‌ പേജ് ഒരു മാല പടക്കം തന്നെ ആണ് കാരണം ഇത് തുറന്നാല്‍ ഒരുപാട് വെടികെട്ടുകള്‍ അവിടെ ഇവിടെ നിന്നായി ചിതറി വരും ......:)

    പിന്നെ
    ഹിന്ദില്‍ ഒക്കെ പാടുമ്പോള്‍ അത് കേള്‍ക്കുമ്പോള്‍ അല്ലെങ്കില്‍ ചാനലില്‍ കാണുമ്പോള്‍ നമ്മുടെ ഒരു സൌകാരയമായ അഹമ്കാരമാണ് ചിത്ര .
    മകളുടെ മരണം വിധി അതില്‍ കൂടുതല്‍ എന്ത് പറയാന്‍ ....
    എന്നിരുന്നാലും ഒരു സെലിബ്രറ്റിയുടെ മകളുടെ മരണം പോലെ മലയാളികളെ നൊമ്പരപ്പെടുത്തിട്ടുണ്ടാവില്ല ( മുന്പ് ഇത് ഒരു ചാനലും ആഘോഷിട്ടുണ്ടാവില്ല )

    ReplyDelete
  30. പ്രാര്‍ത്ഥനകള്‍..............

    ReplyDelete
  31. തമ്പുരാൻ എല്ലാം ഒന്നിച്ച് ഒരാൾക്ക് കൊടൂക്കില്ലെന്ന് പറയുന്നത് ഇതുകൊണ്ടൊക്കെയാണല്ലോ

    ReplyDelete
  32. avarkkiniyum paadaan kazhiyatte, jeevitathe neridaan kazhiyatte.

    ReplyDelete
  33. ദൈവവിധിക്ക് മുന്നിൽ മനുഷ്യൻ നിസ്സഹായനാവുന്ന അവസ്ഥ.. എന്ത് ചെയ്യാം.. കാലം മായ്ക്കാത്ത മുറിവുകൾ ഇല്ലല്ലൊ...
    എല്ലാം മറക്കാൻ ആ അമ്മ മനസ്സിനു കരുത്തെകട്ടെ

    ReplyDelete
  34. ചില നഷ്ടങ്ങള്‍ കാലത്തിനും നികത്താന്‍ കഴിയാത്തതല്ലേ? എന്നാല്‍ സങ്കടങ്ങളെയൊക്കെ അതിജീവിക്കാന്‍ ചിലര്‍ക്ക് സാധിക്കും. ചിത്രയ്ക്ക് സാധിക്കട്ടെ...!

    ReplyDelete
  35. "കാലം അവരുടെ നോവുകളെ മായ്ക്കട്ടെ."
    "എല്ലാം സഹിക്കാനാവട്ടെ മറക്കാനാവില്ലെങ്കിലും"
    "മലയാളത്തിലെ വാനമ്പാടിയുടെ ദു:ഖത്തില്‍ പങ്കു ചേരുന്നു."
    "സംഗീതത്തിലൂടെ ഒരു തിരിച്ചു വരവ് നടത്താനവര്‍ക്കാവട്ടെ."
    "ആയിരം കണ്ണുമായ് കാത്തിരിക്കാം; കാതോര്‍ത്തിരിക്കാം"
    "ചേച്ചി തിരിച്ചു വരും."
    "വാനമ്പാടി ഇനിയും പാടട്ടെ"
    "ചിത്രയുടെ അനുപമ ആലാപന വൈഭവത്താൽ അതിമധുരമാർന്ന ഗാനങ്ങൾ ഇനിയും പിറക്കുമെന്നാശിക്കാം."
    "സഹനം ആയുധമാക്കി ഒരു തിരിച്ചു വരവിനു കാതോര്‍ക്കുന്നു."
    "അവര്‍ക്ക് ദൈവം നല്ല സഹന ശക്തി കൊടുക്കട്ടെ ഇനിയും ഒത്തിരി നല്ല പാട്ടുകളുമായി തിരിച്ചു വരട്ടെ"
    "ചിത്രയെ ആശ്വസിപ്പിക്കാന്‍
    ആര്‍ക്കുമാകില്ല."
    "നമുക്ക് പ്രതീക്ഷയോടെ കാത്തിരിക്കാം"
    "തരിച്ചു വരും നമ്മുടെ എല്ലാം ഇഷ്ടസ്വരം"
    "മറക്കാനാകില്ലെങ്കിലും സഹിക്കാന്‍ കഴിയട്ടെ"
    "സംഗീതം അവരെ ദുഖങ്ങളില്‍ നിന്നും അകറ്റി നിര്‍ത്തട്ടെ എന്ന് പ്രാര്‍ഥിക്കാം."
    "മൃത്യുവിന് മുന്‍പില്‍ നാം തോല്‍ക്കുന്നു."
    "ചിത്രയെ സൃഷ്ടാവും കാരുന്യവാനുമായ സര്‍വ്വേശ്വരന്‍ നേര്‍മാര്‍ഗം നല്‍കി അനുഗ്രഹിക്കട്ടെ"
    "അടുത്ത് തന്നെ പുതിയ ഒരു ഉണ്ണിയിലൂടെ വേദന മറക്കാന്‍ കഴിയുമാറാകട്ടെ...!!"
    "ദൈവം ഇനിയൊരു കുട്ടിയെ കൂടി കൊടുക്കാന്‍ ദയ കാണിച്ചെങ്കില്‍ എന്ന് പ്രാര്‍ഥിക്കുന്നു .."
    "ചിത്രച്ചേച്ചി തിരിച്ചുവരും എന്ന് തന്നെ പ്രതീക്ഷിക്കുന്നു, ആഗ്രഹിക്കുന്നു"
    "കാണുന്നവരില്‍ സന്തോഷം നിറക്കുന്ന ആ നിറപുഞ്ചിരി എന്നും ആ മുഖത്ത് നിറഞ്ഞു നില്‍ക്കട്ടെ..."
    "ഒരു സെലിബ്രറ്റിയുടെ മകളുടെ മരണം ഇത് പോലെ മലയാളികളെ നൊമ്പരപ്പെടുത്തിട്ടുണ്ടാവില്ല"
    "പ്രാര്‍ത്ഥനകള്‍......."
    "തമ്പുരാൻ എല്ലാം ഒന്നിച്ച് ഒരാൾക്ക് കൊടൂക്കില്ലെന്ന് പറയുന്നത് ഇതുകൊണ്ടൊക്കെയാണല്ലോ"
    "avarkkiniyum paadaan kazhiyatte, jeevitathe neridaan kazhiyatte."
    "എല്ലാം മറക്കാൻ ആ അമ്മ മനസ്സിനു കരുത്തെകട്ടെ"
    "സങ്കടങ്ങളെയൊക്കെ അതിജീവിക്കാന്‍ ചിലര്‍ക്ക് സാധിക്കും. ചിത്രയ്ക്ക് സാധിക്കട്ടെ..."
    നമുക്ക് പറയാനുള്ളത് ഇങ്ങിനെയെല്ലാം നാം പറഞ്ഞു, കൂടെ കഴിയും പോലെയുള്ള പ്രാര്‍ഥനകളും , ഇനി നമുക്ക് കാത്തിരിക്കാം ആ പ്രിയ ഗായികയുടെ മികവോടെയുള്ള തിരിച്ചു വരവിന്നായി . അഭിപ്രായങ്ങള്‍ രേഖപ്പെടുത്തിയ എല്ലാ സുഹൃത്തുക്കള്‍ക്കും നന്ദി.

    ReplyDelete
  36. ചിത്ര ചേച്ചി വീണ്ടും പാടുന്നു എന്നറിഞ്ഞതില്‍ ഒത്തിരി സന്തോഷം. പാട്ടിലൂടെ പഴയ ജീവിതത്തിലേക്ക് തിരിച്ചു വരാന്‍ ചേച്ചിക്ക് കഴിയട്ടെ....

    ReplyDelete
  37. മറക്കാനും പൊറുക്കാനുമുള്ള കഴിവ് അവര്‍ക്ക് ദൈവം തമ്പുരാന്‍ കൊടുക്കട്ടെ.

    ReplyDelete
  38. ചിത്രേച്ചി പാടിതുടങ്ങിയല്ലോ ഇനിയെല്ലാം ശേരിയാവും.

    ReplyDelete
  39. ഇത് ഒരു അനുസ്മരണം ആയി. വേദനിക്കുന്ന ആ സംഭവം മനസ്സില്‍നിന്നു പോയിട്ടില്ല.

    ReplyDelete
  40. തിരിച്ചുവരുമെന്ന പ്രതീക്ഷയോടെ..

    ReplyDelete
  41. ......നോവിന്റെ നെരിപ്പോടുമായി വീണ്ടും മലയാളത്തെ പാടിയുറക്കാന്‍ വാനമ്പാടി എത്തുന്നതില്‍ സന്തോഷമുണ്ട് , കൂടെ മനസ്സലിഞ്ഞ സഹതാപവും !!!!

    ReplyDelete
  42. കണ്ടതില്‍ സന്തോഷം സുബാന്‍

    ReplyDelete
  43. ഇപ്പഴാ ഇത് കാണുന്നത്, ചിത്രേച്ചിയെ ഓർത്ത് ഇനീം സങ്കടം മാറിയിട്ടില്ല.. :((

    ReplyDelete

താല്‍പര്യം തോന്നുന്നെങ്കില്‍ ഒരു അഭിപ്രായം ഇവിടെ കുറിക്കാം..

എന്റെ സുഹൃത്തുക്കള്‍